ABC buerie psyjkijske healsoen
Mijlea ABC buerie psyjkijske healsoen åvteste jïhgubpede båata?
ABC (englaantengïelese: Act, Belong, Commit) leah akte barkoevuekie mij lea Curtin University: esne Australiesne evtiesovvi. Akte barkoevuekie (metodihke) gogkoe almetjide båetieh tjåanghkanaavosne jïh ulmesne aktijveles aktiviteetide jeatjah almetjigujmie tjïrrh.
Tjåanghkan årrodhjïh maam orre lïeredh dutnjan haalveme-domtese, jïjtse-domtese jïh jïjtjemdh-jaahkoe buakta. Seamma lea domtese 'vihkeles jeatjide årrodh' sjïeres vihkeles. Daate vïerhtie-domtoe aaj vadta mij sjïere vihkeles buerie psyjkijske healsoen åvteste lea.
Daate sæjhta prosjeekte ABC buerie psyjkijske healsoen åvteste Saapman goerehtalledh.
Mejtie ABC-metodihke maahtah:
- Saemien kultuvre jïh gïele sjïehtedidh?
- Positijve relasjovnh noeride (sjïeresvoete daaroe jïh saemide) gaskesne tjoelmelidh?
- Tsælloe jïh joekehtsgïetedimmiev unniedidh?
- Bïevenese jïh maahtoe saemien kultuvren bïjre hïspehtidh?
- Ektiedimmiestruktuvre gaavnedh mij maahtah ABC-råajvarimmide båetije biejjiese jåarkelidh.
Uvtemes edtja prosjeekte maanajgujmie, noerigujmie jïh sijjen byjjenimmiebyjresine barkedh.
GJØR NOE AKTIVT
Daarjoeh maam joem eadtjohkelaakan
Gosse aktijveles veasoeminie dle madtjeldahta, jïh dle sjædta aaj aelhkebe dov aarkbiejjien haestemide åajsodh. Akte aktijveles veasoe nænnoeste jïh lea buerie dov psyjkijske healsosen åvteste.
Guktie dæjpa?
Dokteme lea mijjese vuesehte ihke almetjh mah fyjsijske, mentaale jïh sosijale aktiviteete darjoeh lea buerebe healsojne enn almetjh mij ean. Gosse mijjieh aktijveles årroeminie, dle madtjeldehtebe jïh jïh mijjieh maehtebe aarkebiejjien haestemide aelhkebe åasjodh. Vielie,fyjsihkeles aktiviteteete maahta psyjkijske skïemtjelasside vööste viehkiehtidh, nimhtie goh asve jïh skuapmah-skïemtje.
GJØR NOE SAMMEN
Darjoeh maam joem ektesne
Gosse datne sosijaale aktiviteetine dåeredh jïh nænnoes relasjovnide jeatjajgujmie tjoelmeldh dle daam dutnjien ektiedimmie-domtese vadta. Gosse datne akte ektievoetine dåeriedidh dle maahtah dåarjege aarkbiejjesne gaavnedh. Maam joem jeatjahigujmie darjodh lea nænnoen jïh buerieslaakan dov psyjkijske healsoen åvteste.
Guktie dæjpa?
Ektiedimmie-domteselea sjïere vihkeles mijjien psyjkijske healsoen åvteste, ïhke mijjieh maehtebe lïhtsege akte ektievoetesne årrrodh. Gosse mijjieh sosijaale aktiviteetigujmie dåeriedibie dle maehtebe orre almetjh rååkedh jïh numhtegh lïhtsegeakte orre ektievoetesne sjïdtedh. Gosse jïjnjh sosijaale reelasjovide åtna, dle maehtebe buerebe mijjien haesteme åajsodh. Ektievoetesne dle aelhkebe dåarjege åadtjodh.
GJØR NOE MENINGSFULLT
Darjoeh maam joem ulmine
Tjoerh aktijveles veasodh jïh darjodh maam akt mij vïerhtiesvoete dutnjan lea. Mejtie maam orre lïeredh, akte ålman vööste barkedh, maam joem jeatji gaavhtan darjodh jallh akte buerie aamhtese dåarjelidh. Dov psyjkijske healsoe nænnoen gosse datne maam vïerhtiesvoete darjoeh.
Guktie dæjpa?
Jïjtsasse haesteme buektedh, ulmieh jaksedh, jalts smaaveh, maahta dutnjan domtesem vedtedh ïhke leah maam joem buektiehtamme. Jïjtje-domtese aaj buakta. Gaajhkh daate vihkeles jis mijjieh edtjebe akte nænnoes psyjkijske healsoe utnedh. Seammalaakan lea ïedtjebarkoe, barkoe maam datne dorjeh jeatjah almetji åvtesete jïh dåajroe ektievoetese akte positijve effekte mij maahta dovne datne jïh almetjidie madtjeldehtedh. Mij vielie domtese goh vïerhtie jïh ulmie lutnjie.