Gosse noerh tjåanghkenieh tjïelti- jïh laanteraasti rastah Nöörjesne jïh Sveerjesne, dellie areena Båetije biejjieh-tjåanghkosne sjugniesåvva gusnie noerh åadtjoeh vuejnedh sijjieh leah attraktijve vyörtegs jïh daerpies guktie Saepmiem båetije biejjide tseegkedh. Golme biejjieh saemien noerh lokngkesuvvieh goh vierhtieh, maahtoem åadtjoeh, råallamodellh råekieh jïh viermiem åadtjoeh guktie kapasiteetem evtiedidh, mij lea buerie saemien seabradahkese.

‍

Båetije biejjieh-tjåanghkoe noeredåeriedimmiem jïh kulturelle identiteetem lutnjie. Daesnie noerh sijjiem åadtjoeh gusnie maehtieh dovne kultuvre- jïh jieliemassem, lohkehtæjjide, mentovridie jïh jeatjah noeride råakedh – jïh damtedh sijjen gïele, maahtoe jïh nïekedassh leah vyörtegs jïh daerpies. Dan åvteste daate areena aaj hijvenlaakan prosjektese ABC buerie psykiske healsoen åvteste Saepmesne sjeahta.

Bearjadahken njoktjen 20. biejjien fylhkentjïelten prosjekteåejvie noeride soptsesti, jïh bijjiebaakoe lij «Mijjieh buerie psykiske healsoem ektesne Saepmesne bigkebe». Abpe biejjiem lij buerie tjaånghkoeh jïh åssjalommesh. Dovne standesne jïh buerkiestimmesne dïhte aamhtese lij «ABC buerie psykiske healsoen åvteste Saepmesne», jïh noerh åadtjoejin jiehtedh guktie daate prosjekte maahta viehkiehtidh dïedtelgimmiem, irhkemem jïh jeatjah narrahtimmide unniedidh. Dej tjoejh leah seamma vihkeles goh tjiehpijeraerieh. Daate aaj guktie mijjieh maehtebe noeride dïjpedh ABC-dïjrigujmie, jïh mij maahta buerie ABC-råajvarimmieh voengesne årrodh.

‍

Gæjhtoeh daan tjåanghkoen öörnijidie juktie «ABC buerie psykiske healsoen åvteste Saepmesne» åadtjoeji dåeriedidh. Noeretjåanghkoe lea ektiebarkoe göökte dejstie voerngesommes åarjelsaemien maahtoebyjresijstie, Gïelem nastedh:en jïh Sïjti Jarngen gaskem.

‍

Saemiedigkie «ABC buerie psykiske healsoen åvteste Saepmesne» dåarjoe.

‍